信記避風塘海鮮美食

营业中

休息中

第一次去避风塘🌊，完来只系一个好细泊船嘅地方。黎呢度食野系食风味，因为系要上一架船仔上面食饭，好彩夜晚有海风，唔系太热。船上环境一般，唔会有靓风景，而且整感觉卫生情况一般。洗手间系半开放式，如果有朋友要去洗手间，其实就系你隔离去，去落个海度，而且无得洗手...感觉唔系几好...我地叫左一个六人全包套餐C($2080)：白灼基围虾古法避风塘炒肉蟹避风塘豉椒炒青口白灼东风螺蒜蓉蒸圣子王香蒜娃娃菜豉油皇蟹油炒面艇仔粥/ 烧鸭濑饮品其中比较欣赏系圣子王同避风塘炒蟹。 圣子王唔算好大只，但尚算鲜甜。炒蟹上面嘅炸蒜炸得好惹味可口 ，肉蟹泡至壳都系脆脆地，啲肉算系足，几鲜甜, 有蟹膏。其他食物都好一般。价钱方面一啲都唔便💸💸，相比之前系屯门三圣食海鲜，我觉得三圣食好多又抵好多，包房唱k玩成晚，食埋每人都只系二百零蚊，呢度就真系食风味，但系我未心必会黎第二次。