影片
更多
2014-03-20
692 浏览
好多时返工都唔想系Office食，出到嚟又唔想食太贵，车仔面系一个唔错嘅选择。但揾啱一间好得嘅又要讲缘份。今次要介绍下依一间，佢嘅车仔面真系食过返寻味。佢𠮶车仔面系三(送)一面另送一杯饮品，当然系可以加钱变成四至五款(送)啦。今次叫左牛腩，鱼皮饺，麻辣猪肚，河粉加秘制辣汁。鱼皮饺：无咩特别，食落较普通，但主角唔系佢，所以都ok。牛腩：瘦多肥少，不错嘅选择。最紧要唔痴牙。由于𠮶size被切成细细粒咁，所以都比较腍身。麻辣猪肚：虽然名叫麻辣，实际上系麻多于辣，但加上秘制汁，令人欲罢不能。而猪肚虽然浸汤，但食落爽口，滋味无穷。秘制辣汁加河粉：辣汁加入汤令汤底更香。而且𠮶汁辣得嚟香味较多，即使唔受得辣嘅人士亦可接受。汤底加完秘制汁后配以河粉一齐食，当然系有目的啦。咁样可以令我食粉嘅时候享受依个超好味汤底。食完都唔会觉得口干更加系较少车仔面档能够做到。至于环境方面，本人只会觉得不可奢求太多，始终佢都系卖紧港式车仔面，基本清洁已是不错。而由始至终楼面只有一人，但招呼嘅速度完全无受影响，可以应付完店内嘅堂食客人，再要处理外卖，等位嘅客人。激赞！！
今次要介绍下依一间，佢嘅车仔面真系食过返寻味。佢𠮶车仔面系三(送)一面另送一杯饮品，当然系可以加钱变成四至五款(送)啦。今次叫左牛腩，鱼皮饺，麻辣猪肚，河粉加秘制辣汁。
鱼皮饺：无咩特别，食落较普通，但主角唔系佢，所以都ok。
牛腩：瘦多肥少，不错嘅选择。最紧要唔痴牙。由于𠮶size被切成细细粒咁，所以都比较腍身。
麻辣猪肚：虽然名叫麻辣，实际上系麻多于辣，但加上秘制汁，令人欲罢不能。而猪肚虽然浸汤，但食落爽口，滋味无穷。
秘制辣汁加河粉：辣汁加入汤令汤底更香。而且𠮶汁辣得嚟香味较多，即使唔受得辣嘅人士亦可接受。汤底加完秘制汁后配以河粉一齐食，当然系有目的啦。咁样可以令我食粉嘅时候享受依个超好味汤底。食完都唔会觉得口干更加系较少车仔面档能够做到。
至于环境方面，本人只会觉得不可奢求太多，始终佢都系卖紧港式车仔面，基本清洁已是不错。而由始至终楼面只有一人，但招呼嘅速度完全无受影响，可以应付完店内嘅堂食客人，再要处理外卖，等位嘅客人。
激赞！！
张贴