7E咖喱王

营业中

休息中

呢排好多人讲起重庆大厦哟餐厅。本身劲钟意食咖喱同印度个d薄饼，今次试下呢间都几出名嘅7E。系重庆大厦门口有人带你去lift口，不过唔洗吓亲哈哈。同埋餐厅入面嘅哥哥仔几nice嘅。印度咖喱角：平时去印度餐厅一定会试咖喱角，而呢个都无失望，外面炸得脆但会唔油腻，入面包住咖哩薯仔馅。成餐最钟意呢样，必试！特式香料鸡、蒜茸烤饼：特式香料鸡个酱汁系蕃茄味底，再加上好多种香料同cream，食起身会有种芝士味，将d汁淋上蒜蓉烤饼食，好香好惹味。香烧鸡块：以铁板上碟嘅烧鸡块，配埋少少柠檬汁，腌得个味道唔错，不过肉质唔算好湿润。特式酸乳：自家制嘅乳酪饮品，yogurt嘅味道，但口感比yogurt稀少少。钟意佢唔会好甜，唔腻。怕食辣嘅话可以饮呢杯解下辣，而且微酸嘅味道中和一下，消下滞。整体黎讲呢间d野味道系唔错嘅。同埋今次呢几样野食，就算唔系好食得辣嘅人都啱食，惹味但又唔会太辣。