湯•米 (已易手) 新餐厅

呢间野见评价好似唔错，装修又几靓，都想试好耐下。但估唔到会咁失望。1. 泰式海鲜锅睇佢个样好似好丰富咁，谂住一定冇伏啦。点知，青口烂嘅，虾肉就霉嘅，蚬就好啲普普通通咁。每样海鲜得两件都算，全部都霉霉烂烂咁，算系点？🤷🏻‍♀️然后，佢嘅丰富都系堆砌出嚟，除左眼见嘅料之外，个底全部都系菜。唯一好嘅就系个汤底，都几香椰汁味，辣度亦都够。2. 沙茶牛肉锅呢个都系一样啦，大部份都系菜。而牛肉都冇乜肉味咁。但汤底就几浓郁，还好啦。呢间野食物已经一般，服务仲要差。入到去冇人带位算，落单啲阿姐又俾面色你睇。叫完野食佢地唔识用个落单系统，粒声唔出就行开咗。隔离个枱仲惨，漏咗单，啲阿姐仲要用差嘅语气再同佢落过。而环境方面，张枱实咗太细喇！我地个阵仲叫咗个盐酥鸡，火锅嚟到根本冇位再摆，唯有好狼狈咁食哂佢。俾成旧水食菜，服务又差，真系不如食吉边啦。