幸福鳥 (K11購物藝術館)

营业中

休息中

有同事生日，我地9个去左K11食日本野庆祝佢生日。佢地个lunch menu只有10个选择，不过其实10个都算ok架啦，都有唔同既款式可以拣。除左两个同事之外，我地其他人全部叫晒个幸福串烧六盛合。佢有六串烧，饭，汤，两个前菜(豆腐同腌制蒜头)，温泉蛋同六个串串。其中四个串都系鸡肉，有鸡亦，鸡脾肉，鸡软骨仲有个唔唔咩🤣🤣其他两串系秋葵同菇。 有一串有啲"鞋"但系就唔知道系乜嘢，个鸡软骨好吃，佢地好似系整碎晒再整到好似条肠咁其他啲串都好得好好食， 只系用盐来调味所以啲鸡都好有鸡味。啲前菜好食，我攞左个蛋黄黎捞饭食，简直一流! 不过唔知系唔系我地太多人叫呢个，烧唔切，所以都出得有啲慢，有两个同事差不多食完另外两个先岩岩开始食。问咗另外两个同事佢哋个餐好唔好食。 鸡肉寿喜烧𠮶个同事话味道有啲淡，不过啲鸡肉系滑嘅。另外𠮶个蒲烧鳗鱼饭，佢话个鳗鱼都好厚肉同好多，佢后尾都食唔晒。