鮨亭 (已結業)

环境、食物都好好环境好舒服，够干净企理，装修亦唔错，简单得嚟又不失雅致，可谓恰到好处。另外，见到师傅做嘢都好快手同卫生。明太子沙律够fresh，开胃一流。寿司够鲜味，黑松露鹅肝卷值得一赞，黑松露味道突出，但又唔会抢咗鹅肝嘅味道，鹅肝亦够juicy；海胆三文鱼卷亦都系好好嘅配搭，点埋少少wasabi同鼓油就fit哂。串烧好出色，热辣辣，非常新鲜。鸡软骨同豚肉味道恰到好处，唔会太咸，加埋柠檬汁就啱啱好。鸡泡鱼干味道浓郁，用嚟送啤酒一流！尤其依家疫情去唔到日本旅行，嚟呢间居酒屋就好似置身于日本当地一样，为人带嚟莫名感动，令我情不自禁大喝一句：O E C！！唯一可挑剔就系某啲菜式嘅价钱略贵，但整体系合理，而且质素对得住价钱。