影片
更多
2009-03-17
78 浏览
我地以前online department驻分行嘅旧同事本来谂住约大家出嚟唱K，但搞吓搞吓就不如去食一餐聚一聚算啦，谂来谂去都唔知去边好，不如去尖东啦，Tony即刻提议我地去佢预备摆酒𠮶间 - 馥苑金阁海鲜酒家。Tony仲即刻call𠮶间酒家负责帮佢搞婚宴嘅部长订枱....好不积极。一放工即刻返屋企攞车，顺路执埋旧同事，因为佢嘅office就喺我屋企附近。出发时间18:50，去到九龙公园径，好塞车，冇办法，始终星期四嘅尖沙咀已经开始多人出街食饭。Tony话问过泊喺隔离嘅安达中心有优惠，啱哂我，我一向去尖东都系泊𠮶度，终于19:40去到目的地，泊好车，就上去。一入门口就有一个好好笑容嘅待应问我系咪莫生，我话系，佢就话"啊! 原来你就系莫生。"，感觉好奇怪。跟住佢带我地上去，原来其他人已经嚟咗，仲争阿妹未嚟，佢应该又系做咗迷途小羔羊了。十分钟后，妹妹终于出现，我地齐人就开始谂叫咩𩠌，真系奇怪，呢度只系得一块板咁嘅menu，而唔系学似其他食肆咁一本本menu，且啲𩠌名相当长，就咁睇名系好难明。入正题，叫咗五个𩠌1. 口水鸡 > 味普通，好似有啲唔系咁正宗添，少辣，适合香港人。2. 肉
一放工即刻返屋企攞车，顺路执埋旧同事，因为佢嘅office就喺我屋企附近。出发时间18:50，去到九龙公园径，好塞车，冇办法，始终星期四嘅尖沙咀已经开始多人出街食饭。Tony话问过泊喺隔离嘅安达中心有优惠，啱哂我，我一向去尖东都系泊𠮶度，终于19:40去到目的地，泊好车，就上去。
一入门口就有一个好好笑容嘅待应问我系咪莫生，我话系，佢就话"啊! 原来你就系莫生。"，感觉好奇怪。跟住佢带我地上去，原来其他人已经嚟咗，仲争阿妹未嚟，佢应该又系做咗迷途小羔羊了。十分钟后，妹妹终于出现，我地齐人就开始谂叫咩𩠌，真系奇怪，呢度只系得一块板咁嘅menu，而唔系学似其他食肆咁一本本menu，且啲𩠌名相当长，就咁睇名系好难明。
入正题，叫咗五个𩠌
1. 口水鸡 > 味普通，好似有啲唔系咁正宗添，少辣，适合香港人。
2. 肉松盏 > 用一个半球状?炸馒头，载住啲肉松喺上面，但系大家都觉得似乎肉松有点过咸。
3. 蟹肉瑶柱扒东胡 > 用冬瓜丝，又有蟹肉，又有瑶柱去钓味，个味好鲜甜...唔错，适合捞饭。
4. 唔记得个名 "XXX虾球" > 其实简单嚟讲系虾仁炒蛋，蛋都算okay，但系佢唔系落葱，而系落一啲好似韮菜花嘅头咁嘅嘢，啲虾肯定系上等货，好晶莹，好爽。
5. 烧汁牛柳 > 煲仔上，肉都几谂，仲要切埋圆形，不过个汁都系冇咩特别。
最后就甜品 : 纪子桂花糕 - 味唔错; xx酥 - 皮够松; 生果盘 - 菠萝几甜，而且造型好潮。
总评：可以一食。服务一流，待应会有倾有讲，唔错嘅，环境清静，适合用作一边食饭一边倾生意。呢间嘢有一样唔好，就系歧视女仔，净系问我同阿弗姓咩，虽然张枱系留我名，但系都唔使成日"莫生抺手"、"莫生饮茶"、"莫生啲嘢啱唔啱食"。最后，问待应亦都发原来系除咗泊隔离嘅半岛中心只可以有泊车优惠，原来校长之前问佢地，个部长只系对佢讲唔泊半岛中心，可以选择去安达中心啫，又比校长冼一镬添....
张贴
