槟城海南雞飯專門店

营业中

休息中

当日有事去九龙湾一行，想起2-3年前喺附近食过一间槟城海南鸡饭，上次食过都几好味，今次又试下啦。见到有追加 (1) 味醂黄金蛋 $6  (2) 爽口火鸡肾 $6  (3) 二宝 $10。问老板二宝系乜嘢嚟嘅，佢话系加一只黄金蛋同埋一只火鸡肾，咁就不妨试下啦。咁就坐低等食，期间系咁睇佢啲牌。佢叫得槟城海南鸡饭，咁应该系走马来西亚嘅路线，所以佢哋又有肉骨茶，当然佢哋冇苏妈苏妈咁出名啦。佢哋d海南鸡饭有靓汤送，星期一至星期六每日都有唔同款式，当天我饮的是清补凉。鸡饭同埋靓汤都嚟咗啦，个鸡都系皮爽肉滑，去左骨，啖啖肉，有鸡味，油饭都唔错。试下黄金蛋，几好，当然佢哋唔系日本拉面果啲流心蛋，佢啲蛋黄系熟嘅，但味道是好的，应该系用咗日式调味品味醂浸的。跟住又试下火鸡肾，真系爽口嘅，沾下酸辣酱及姜葱都都几好食。唔敢话佢啲火鸡肾好食过尖沙咀肥仔小食店𠮶啲火鸡肾，肥仔小食店有芥辣酱，但系火鸡肾沾下海南鸡饭嘅酸辣酱及姜葱都有另外一番滋味。当日天气好热所以我叫了一杯冻嘅薏米柠檬水，都系加多8蚊，都几好饮，想起苏妈苏妈都好似有呢个饮品，但系应该要过廿几蚊的。佢都有唔少人买海南鸡饭嘅外卖，堂食佢有个熟客喺朋友面前