break (已結業)

闹市下午入座，彷佛系城市入面揾到绿洲餐厅风格简约清新，云石纹枱面配搭绿叶，俾人好舒服嘅感觉饮品先上，叫咗一杯strawberry iced shaken tea，茶味几香，士多啤梨味重，冻冰冰好fresh！朋友叫咗热嘅榛子朱古力，拉花系一只海马，好可爱食品方面：我哋拣咗3款轻食小食佢帮我哋组合咗喺同一个碟入面，分别有：北海道牛肉薯饼，同埋三只芝麻鸡翼。 芝麻鸡翼好香，炸到外脆内软，入面仍然好多汁。牛肉薯饼配上蛋黄酱，上面仲撒咗少少七味粉，味道浓沃，有软糯嘅薯蓉，加上粒粒嘅牛肉口感丰富！break呢间嘅炸鸡沙律分量好大，一上枱我哋都畀佢吓亲，每件炸鸡几乎半个拳头大细。 日式嘅唐扬风炸到入面嘅鸡肉雪白嫩滑，沙律菜入面有一半嘅车厘茄，烤过嘅南瓜片，仲有一啲紫菜最后嘅吉列猪扒三文治都有惊喜猪扒好厚，成寸咁厚。猪扒肉质软淋到一个点。跟嘅酱汁系传统嘅日式梅子猪扒酱，外面嘅多士炸得酥脆不过唯一嘅缺点系有点太油腻，好彩旁边有细细一个沙律做中和。