影片
更多
2018-01-08
258 浏览
打边炉来来去去都系𠮶三两间，今次就特登衬住冻冻地去揾新野。上网见到呢间咁多Like但都无Dislike, 就白撞上去试一次，结果都无失望。首先佢既Service好好，本身无晒位，我就住坐无电炉，得Gas炉既台，咁就好似好耐都唔滚咁，坐左一阵有张6人台埋单走人，佢自己都即刻话转我2个人过去，话个电炉会快D滚，呢度都即刻俾左个好印象我。到讲下野食：虫草花酱螺鸡汤底：足料、够味。唔会好似其他火锅店咁，料就多到霸晒成个煲但都唔够味。而且虫草花+螺+鸡又的确系清甜~!牛肉：本来想食黄牛，但佢话今日D黄牛唔靓所以无入货，就叫左本地手切牛同金钱𦟌。本地手切牛好味，够多脂肪得来又唔会太肥，未算最好但出街食黎讲，佢都唔算收贵你，叫值回票价。其他同水准既牛出面可能一碟3百几了。金钱𦟌：金钱𦟌就的确值5星，因为其实金钱𦟌都有分靓野同普通野。晌街市买既靓金钱𦟌一条卖约$500 (靓𦟌系一条条卖的，唔系计磅)，食落系爽脆既，仲要手快有手慢无，每日来货唔多；普通既金钱𦟌就$150-$170左右一磅 (普通𦟌系一磅磅计的，唔系计条)，食落同咬紧牛肉无分别。佢呢只算系几靓既金钱𦟌，其他食店都好少有呢个质素。(如果真系
到讲下野食：
虫草花酱螺鸡汤底：足料、够味。唔会好似其他火锅店咁，料就多到霸晒成个煲但都唔够味。而且虫草花+螺+鸡又的确系清甜~!
牛肉：本来想食黄牛，但佢话今日D黄牛唔靓所以无入货，就叫左本地手切牛同金钱𦟌。本地手切牛好味，够多脂肪得来又唔会太肥，未算最好但出街食黎讲，佢都唔算收贵你，叫值回票价。其他同水准既牛出面可能一碟3百几了。
金钱𦟌：金钱𦟌就的确值5星，因为其实金钱𦟌都有分靓野同普通野。晌街市买既靓金钱𦟌一条卖约$500 (靓𦟌系一条条卖的，唔系计磅)，食落系爽脆既，仲要手快有手慢无，每日来货唔多；普通既金钱𦟌就$150-$170左右一磅 (普通𦟌系一磅磅计的，唔系计条)，食落同咬紧牛肉无分别。佢呢只算系几靓既金钱𦟌，其他食店都好少有呢个质素。(如果真系想试靓金钱𦟌，可以去荃湾杨屋道街市，试过真系返唔到转头。)
牛白玉：即系街市卖既「牛白肉」，又即系大陆既「牛胸油」，睇落似脂肪，但其实系近牛胸骨/ 横隔膜的软组织，灼20秒食得，口感爽脆亦都有牛味。香港火锅店真系未见过，系得呢度有。之前就晌大陆火锅店同街市先揾得到。未试过既真系要点都试一试。
手打咸蛋猪肉丸：猪肉丸本身都唔系我杯茶，不过见到佢系招牌菜就试一试啦。手打猪肉丸本身都已经唔错，再加埋佢整左D咸蛋入去做馅，食落味道咸咸地都几得意。虽然咸蛋既味道未必真系好夹火锅汤底或者豉油酱料，但咁有创意，可以一试既，唔驶来来去去都系食𠮶D丫嘛。
手打鲜虾丸：呢味就无乜特别，好多贵少少既火锅店都有，而且水准都差不多，算系好味弹牙既。
黑松露花枝丸：钟意黑松露既人其实用黑松露配乜都会觉得好好味：配包、意粉、炒饭、汤甚至蒸蛋都会得。咁我就钟意黑松露既，所以我觉得呢个酿左黑松露入中间做馅料既花枝丸都好好味~!!
珊瑚蚌：Surprisingly 呢一个系最唔好味既!! 正常珊瑚蚌应该系最稳阵咖嘛!! 但佢食落去好似无乜味同好韧....可以唔叫!
桶蚝：其实无乜得好讲，同街市买既一样....但唔知点解佢一桶有8只咁多!! 平时买就算细既最多都系见过6只.....出街黎讲算抵食丫~!
象拔蚌：以为珊瑚蚌唔得就代表佢D海鲜唔得.....但食落又OK㖞!! 鲜甜丫~!! 证明系新鲜野!!
总括来讲，呢间野咁多个Like而无Dislike真系有原因的....服务好、野食好、而且台同台之间空间足够，唔会密质质。环境当然无「醉锅」𠮶D咁靓，但干净企理，都唔太差。如果唔叫刺身的话，正价时段两个人埋单每人预$600 - $650都足够。多D人一齐去，应该一个人$500 - $550就够了~!
手打咸蛋猪肉丸
27 浏览
0 赞好
0 留言
手打鲜虾丸
19 浏览
0 赞好
0 留言
本地手切牛
18 浏览
0 赞好
0 留言
牛白玉
27 浏览
0 赞好
0 留言
珊瑚蚌
26 浏览
0 赞好
0 留言
虫草花酱螺鸡汤锅
21 浏览
0 赞好
0 留言
金钱𦟌
35 浏览
0 赞好
0 留言
黑松露花枝丸
44 浏览
0 赞好
0 留言
题外话/补充资料：
九点半后入座六折优惠，但系海鲜同牛除外。虽然话去得呢D贵场打边炉都系食牛同海鲜，唔通食午餐肉同芝士肠咩~! 但D丸、汽水咁折一折，埋单都由原本$21xx 变左 $18xx....OK啦~!
佢亦都好似有两三间房，最低消费都只系$3,000 不限时。当每间坐10人，每人都只系$300，所以真系唔算收得贵~!
(以上食记乃用户个人意见 , 并不代表OpenRice之观点。)
张贴
