麵檔 (已結業)

星期天路过登龙街，见到又有新食店，今次开系地库，又一个蛇窦同人倾是非嘅地方。店内无论是装潢、食物，都跟传统港式面档与别不同，地方企理加埋开放式厨房，俾你睇晒食物制作过程，食得安心又放心。叫咗佢地人气产品如脆皮牛腩、酥炸手打紫菜墨鱼丸等，当然我地叫咗云吞面。云吞面汤底同面一D枧水味都无，反而好有虾味，店员话汤底用上大地鱼、虾皮及罗汉果等烹制，极有虾味。云吞是在店内密密包制，馅料是每日买来的新鲜猪肉和海虾，云吞大小适中。牛腩食得多，但未食过脆皮牛腩，原来是酥炸牛腩，炸得刚刚好，不会有一阵油味，牛腩也腍软。酥炸手打紫菜墨鱼丸，故名思义是用人手每天手打，加上丸内有墨鱼粒，外脆肉软，爽口弹牙。另一惊喜是估唔用来点墨鱼丸个酱汁好好味，原来是自家制泰式酱汁，辣辣地，好夹墨鱼丸。再加杯咸柠七，呢度俾原粒咸青柠，唔似坊间俾半粒，好抵呀! 呢度仲有免费wifi，平时可以蛇出嚟抖下气，小休一下兼叹下午茶。