阿利水韓國料理 (已結業)

唔记得系边到睇到话不论部队锅定韩烧都好，都好正宗同好好味! 于是朋友生日又同朋友仆到上去帮衬。上到去职员话好FULL，得返一张台可以坐,,, ,,, 心谂特登黎到，算啦! 点知,,, 张台系一张折台! 仲要开系部LIFT 对面, 即每次开LIFT 门都要同D乘客SAY HELLO! 都唔紧要! 如果D野好食!先讲个部队锅! 朋友出名重口味，但连佢都话好咸!系呀! 我食唔到辣味，净系得味精鸡汤既味，我好怀疑佢系咪无沟水。 前菜好食，但无得Refill! 一食完就有人即刻收起个碟，惊死你再问佢。肉方面就点左鸡扒同五花肉。五花肉好薄， 做唔到大啖大啖既口感，而且佢个炉好唔正宗，食得好唔过瘾，配埋张折台，真系好有屋企FEEL。肉质尚算新鲜，加埋个面豉酱都可以! 但我个人认为五花肉要厚厚地先好食! 佢仲薄过埋猪扒! 个鸡扒真系唔好叫，成件事好碎好薄好唔识形容。疑似有调过味，但完全无味! 都系要加面豉酱食!系有好多韩国客，系咪正宗我唔知，但加加埋埋所有野，我唔认为会再帮衬。