Applegreen (已結業)

成九点先到，两个唔使等，直入卡位。门口个游乐设施好啱小朋友，星期五晚都有唔少细路喺度玩。叫左墨西哥芝士牛肉脆片同牛柳红饭。沙律吧任攞沙律，好抵食，同埋啲款唔差，有水准。沙律吧个紫薯南瓜好食，甜甜地且好有原本嘅味道，反而黑椒椰菜花有啲辣。墨西哥脆片要快食，如果唔系会林哂。斋食脆片上嘅芝士同牛肉会有啲腻，但加左啲蕃茄粒会令个脆片清新左，唔错。牛柳红饭好有惊喜！牛柳超好食，唔un，约七成熟，好香牛味。同友人边食边倾，差唔多收铺先舍得走。