琥酌 (已搬遷) 新店位置

香港地而家都興起樓上食店，原因好簡單，樓上租金一定平一點，食物質素就唔需要因為太貴租而賣得太貴。搭𨋢每一層都係食店，隨意揀咗間個名都差啲唔識讀嘅餐廳，門一打開，感覺好舒服，好寧靜，靠窗位置放了一些酒瓶做裝飾。先來沙律前菜~ 新鮮蔬菜爽脆開胃。頂級安格斯牛吉列御膳~ 這是鎮店之寶，推介要食。這是燒牛肉的石煎板，下面是火蠟，可以輕輕燒灼石版上的牛肉。牛肉本身已經是半熟吉列，但絕對不建議生食，這是鐵板燒厚切牛肉，並不是西餐 西冷，大家要注意。只需輕輕每面煎五秒，要快，兩邊煎一煎便ok，這樣才會鎖住牛肉的肉汁，煎得太耐就會韌；記住，每次煎一塊，待煎板夠熱才放新一塊。醬料可以選擇蜜糖芥末、海鹽或柚子鹽。角切魚生飯~ 魚生新鮮，喜歡食壽司飯嘅我欣賞飯的酸甜度，剛好。琥酌吉列盛合~ 包括我喜愛嘅吉列薯餅，仲有吉列炸蝦及炸蠔，新鮮熱辣辣炸起，非常香口。吉列炸蠔的炸粉略嫌厚咗少少，蠔是鮮味的。不時會推出一些廚師精選。同朋友 一邊傾一邊飲，絕對係一個吹水好地。