臺茶•薈 (已結業)

日日返屋企都会经过天后，最近发现开左间新嘅台式餐厅叫做台茶·荟，好似装修得唔错，有小清新嘅感觉，不妨一试，睇下质素如何先！入到去，侍应好热情招待！今时今日有咁嘅服务态度已少之又少！逢上水同餐牌后，好快就帮我落好单！先奉上两杯饮品，骤眼望落去好相似，但其实左边系芒果多多，右边系芒果绿茶，两杯芒果味都好香好突出！再叫左个台茶荟炒米粉，原来超多配料，有只太阳蛋，手撕鸡，龙虾丸，肉松等等，好丰富！炒完米粉仲有少少湿润，又够味！另外仲有个鲁肉饭，同我平时食开嘅唔太似，除左有啲鲁肉酱之外，仲跟左啲原块鲁肉，好特别！而且够晒淋，入晒味！小食方面，叫左个炸物拼盘，花枝丸最好味，因为入面真系有粒粒花枝，洒上到味粉够惹味！盐酥鸡细细粒，但入面仲系好滑！香肠同椒盐鸡翼就唔太突出！仲有个地瓜薯条好香地瓜味，不过炸完略微焦，外观唔太讨好！最令我失望嘅系我喺门口见到有仙草芋圆，到我食晒野准备叫甜品时，侍应竟然话今日芋圆未准备好，意思啫系冇得食！我当堂极为伤心，唯有下次再为芋圆而黎喇！