王家沙 (已結業)

今日同家中两宝去左又一城食饭，最后妈妈就决定食上海菜。前菜方面，我们要左一份皮蛋豆腐。豆腐够滑，砌碎的皮蛋同个汁都几Match的。不过唔食得太甜的妈妈就觉得个酱甜左少少。另外，我们都叫左两份点心。其中一份王家沙牛肉饼，一份有两个。牛肉饼的牛肉唔算特别多，肉汁有爆出黎，不过由个尾爆左，所以我享受唔到。(笑)我们另外仲叫左一份大白菜春卷。新鲜炸起的春卷，包住热辣辣的大白菜，都几好食。我们仲叫左一碟马拉盏芥兰，芥兰都几嫩。不过马拉盏唔多够味。食上海菜，点可以少左瑶柱赛螃蟹！蛋白好滑，食得出有瑶柱。捞埋生蛋黄及醋，好香又好食。家乡炒年糕口感烟un，年糕好够味。不过肉丝就唔算好多。甜品方面，我们叫左个芝麻豆沙饼。好新鲜整好的豆沙饼煎得好香。豆沙好香，而且好够热。见到有奶黄小麻球的英文写Deep Fried Sesame ball, custard lava filling。流心奶黄呀，听到都觉得好味！点知⋯⋯我见入面有个奶黄波。