Go Inside Kitchen (已結業)

星期一放工同屋企人出街食晚饭，去咗观塘时运工业大厦嘅Go Inside Kitchen 食西餐。地点唔算极贴近地铁站，不过行几步路就到，而楼下亦有好多巴士站，都算几方便。室内环境优雅, 感觉舒适。晚餐有set dinner 亦有散叫，任君选择。今晚大家决定散叫，先嚟一个头盘焗芝士肉酱香脆薯条 ($68)。芝士肉酱满满嘅舖在薯条上面，虽然牺牲咗薯条嘅香脆，但肉酱同芝士嘅香绝对无可抗拒。墨鱼汁鲜虾意大利饭($148) 系要同熟人先可以食，毕竟会食到双唇污捽捽，唔系人人接受到。意大利饭配洋葱令口感爽一些，整个味道亦调得够香。鲜虾亦系爽口。最后点个甜品作结，拣取蓝莓芝士饼($38) 。初初以为是一整件三角型的批状，谁知原来是很的骰三个立方，造型系可爱路线。味道不过不失，唔会好重芝士味，适合想食芝士蛋糕但又好怕奶骚味的食客。每台都有清水一支任饮，亦都系咁，所以无额外叫饮品。