影片
更多
2019-05-26
4028 浏览
系工厂入面揾到惊喜，是日去左荔枝角嘅D2 Place 行下街，行完街街本身谂住去亿利工业大厦食一间台湾野，但上Openrice时见到Ulyssa by Aldou呢间西餐评价好似几唔错，女人作为善变嘅动物，决定转移阵地去呢间西餐厅度试试。入到餐厅，餐桌整整齐齐咁排列，周围有唔少吊饰去做布署，好有格调，俾人一种舒服放松嘅感觉。呢度嘅员工好有礼貌同亲切，除左俾餐牌我地之余，仲会同我地介绍有咩主打，有咩推介野食，我地最后简左三样野食，分别系：烟三文鱼牛油果藜麦沙律、宝云酥波士顿龙虾意粉 同 低温慢煮烧美国牛胸肉配烧汁。烟三文鱼牛油果藜麦沙律 ($88)卖相非常唔错嘅一道菜，入面有生菜、车厘茄、牛油果、沙律菜、烟三文鱼等，沙律材料都几新鲜，唔需太多酱汁，少少嘅柠檬 同 醋，拌埋一齐食，系道非常开胃的前菜。宝云酥波士顿龙虾意粉 ($168)大大只开边嘅龙虾举哂脚咁黎到我地面前，仲有2皮饼干条系伴碟，旁人见到都忍唔住望多几眼，未食排场先震一震下人，哈哈！龙虾上面放满左金蒜粒，之后再拎去焗，龙虾肉带有浓郁嘅蒜香味。意粉口感软硬适中，酱汁方面用左好多车厘茄而整成，酸酸甜甜好够味，我地起哂佢嘅肉再同个意
系工厂入面揾到惊喜，是日去左荔枝角嘅D2 Place 行下街，行完街街本身谂住去亿利工业大厦食一间台湾野，但上Openrice时见到Ulyssa by Aldou呢间西餐评价好似几唔错，女人作为善变嘅动物，决定转移阵地去呢间西餐厅度试试。
入到餐厅，餐桌整整齐齐咁排列，周围有唔少吊饰去做布署，好有格调，俾人一种舒服放松嘅感觉。呢度嘅员工好有礼貌同亲切，除左俾餐牌我地之余，仲会同我地介绍有咩主打，有咩推介野食，我地最后简左三样野食，分别系：烟三文鱼牛油果藜麦沙律、宝云酥波士顿龙虾意粉 同 低温慢煮烧美国牛胸肉配烧汁。
烟三文鱼牛油果藜麦沙律 ($88)
卖相非常唔错嘅一道菜，入面有生菜、车厘茄、牛油果、沙律菜、烟三文鱼等，沙律材料都几新鲜，唔需太多酱汁，少少嘅柠檬 同 醋，拌埋一齐食，系道非常开胃的前菜。
宝云酥波士顿龙虾意粉 ($168)
大大只开边嘅龙虾举哂脚咁黎到我地面前，仲有2皮饼干条系伴碟，旁人见到都忍唔住望多几眼，未食排场先震一震下人，哈哈！龙虾上面放满左金蒜粒，之后再拎去焗，龙虾肉带有浓郁嘅蒜香味。意粉口感软硬适中，酱汁方面用左好多车厘茄而整成，酸酸甜甜好够味，我地起哂佢嘅肉再同个意炒拌埋一齐食，啖啖肉而又爽口弹牙绝配，配合起黎好香口有好食。
低温慢煮烧美国牛胸肉配烧汁
十大推介，好好味，熟度岩岩好，牛胸肉一向系我至爱，呢个部位好有牛味，就算连烧汁一齐食，都唔会遮盖左牛本身既味道，佢呢到抵赞既系连配菜都整得好好味，都好有心咁轻轻炒过，另外再加左小小香草去调味，更有好味，有层次。如果你枇再食得浓味D的话，可以再点埋旁谤嘅特制芥茉酱食添。
餐厅整体体验非常唔错，无论环境、服务同食物素质都系水准之上，有心做而有返咁上下质素嘅食肆真系买少见少，呢个餐厅值得支持！
张贴
