亞參雞飯 (又一城)

营业中

休息中

原来又一城除咗food Court之外，仲有一个corner位有平民美食，今日睇完戏就嚟咗呢度食亚参鸡饭。既然主打海南鸡梗系要叫返碟嚟试吓，油饭入口够香够油润，海南鸡啖啖肉，入口滑嘟嘟唔会干争争，个人就最钟意点甜豉油～清汤入口亦够晒甜～肉骨茶散发香浓药材味，入口甘甜，排骨咬落松软有肉香，热辣辣煲仔上饮完全身暖笠笠！嚟到点可以唔叫咖吔多士，脆口多士配上一片厚牛油，在上一层咖吔酱，超邪恶但劲好味！仲有爽弹虾饼，食到一粒粒虾肉，唔错！今晚点嘅两款饮品都几好饮，香茅薄荷特饮散发独特香味，刚好可以冲走肉骨茶嘅药材味；薏米水饮落甜甜地又有姜味，够晒暖胃！