爵士拉麵

营业中

休息中

爵士拉面在粉岭颇有名气，店内坐位很少，营业时间又短，要食到真系唔易。是日难得佢开门，条队又唔算长，一于排下佢。餐牌，都叫几多款拉面拣，汤底都有三种。睇下睇下，原来不可以落第二次单，茶位仲要收一蚊，咁怪嘅，未试过拉面舖要收茶钱。难得黎到，叫番个招牌拉面先，要A汤底，大size。札幌味噌汤底，微辛？完全食唔出，一味死咸而已，唔知系咪一次有十几碗面落单，怀疑佢落错汤底。拉面煮得颇硬身，不错。配料方面有很多，肥牛一堆，叉烧三片，粟米，紫菜一小片，卤水蛋半只，海带，人做蟹柳一开二，仲有少许葱花。叉烧全瘦，无肉味亦很韧，唔掂。蛋卤得太耐同样很硬，又无蛋味，麻麻。总括讲句，很大碗，料很多，但味道不好。八十五蚊一碗，加两蚊汤底，再加一蚊茶钱，另加排队时间，换来一碗十分饱肚但食后要饮五杯水嘅超咸拉面，抵不抵食，见仁见智了。