小茶堂 (已結業)

男朋友嘅朋友住开油尖旺呢头，平时食野要求都高，所以佢推介得嘅野多数都好鬼好食。无耐之前佢朋友讲起，有个台饮店GE野饮好像过天仁茗茶，心谂系真唔系呀！今次行经过开，虽然饱饱地都要一试。我叫左珍珠乌龙王奶茶($25)，男朋友就叫左黑糖珍珠鲜奶($27)。珍珠乌龙王奶茶台湾正宗果D台饮我反而饮唔愤，实在太甜，于是我就叫左走糖同去冰。一饮，咦咦！真系几好饮Bo！佢嘅乌龙王茶底饮得出系靓茶底，半发酵嘅茶本身味道无咁出，但呢杯茶饮落仲系有阵阵茶香散发，茶味浓厚、醇，同略有回甘，非常好饮，而奶味亦都香，我果杯嘅珍珠同样都系黑糖珍珠黎，珍珠粒粒都又大又弹牙，本身我全走甜，就系因为觉得黑糖珍珠嘅甜足以取代糖水嘅糖，亦来得较健康。黑糖珍珠鲜奶男朋友果杯同我果杯差唔多，唯一唔同嘅系佢嘅系鲜奶，而我嘅系奶茶，佢嘅奶香味就出哂黎，我好怕D奶太浓抢哂其他野嘅味，而呢只奶系顺口唔会腻嘅，同样好饮。 系真系同天仁茗茶各有千秋嘅。