大喬日本料理 (已結業)

寻日同客开会兼食lunch，佢介绍去佢响湾仔office 附近新开的【大乔日本料理】食晏，话系近期几有水准嘅新店㖞........呢间日本野好似啱啱开咗无几耐, 装修都仲好新,分别有铁板烧枱、bar枱同卡位;午餐有铁板烧、刺身、天富罗同寿司,哗~ 个客请食开年饭，梗系要试佢最豪果个LUNCH - 海鲜铁板烧啦!烧大虾+三文鱼+带子+银雪鱼,仲有炒野菜,炒饭同甜品,份量好够,食得出啲海鲜好新鲜弹牙,特别系只大虾,唔系啲死死实嘅雪藏货,三文鱼烧得啱啱熟,带子好厚好弹,原只新鲜即开,都几"dum"本。我就最li ki 银雪鱼喇,质地好似牛油咁入口即溶,香口又有鱼味,最紧要唔腥嘛!佢个餐仲有炒野菜同炒饭+面豉汤,本来已经好饱,但佢个珍珠米炒饭粒粒都有淡淡豉油香,唔觉唔觉都食哂成碗。都好够份量。好彩甜品系柚子雪芭,清新感觉好fresh.......呢餐真系食得超满足,临走仲送咗张15%折扣卡俾我地下次用,下次又有机会可以再去encore喇!