影片
更多
2015-01-03
1392 浏览
今日1月1大好日子~约左班''脑有记'' 喺旧公司附近食元旦饭~一边聚旧一边回味昔日返工的时光!!午饭时间全餐厅只得三枱客人~我地被安排左去个餐厅最入的位置~~另外两枱室外一入到去餐厅,好似去左另一个世界,明明都有少少凉意,但餐厅入面鬼咁焗~坐下休息左阵,都系顶唔顺,叫服务员帮忙开一下空调,之后先舒服返少少睇到份餐牌~D相影得好吸引! 有7,8款厨师推介~我见有生虾刺身,一定要试~最后我地点左D心仪的食品~生虾刺身 - 唔错~~生虾好新鲜~咬落非常爽口~唔会有腥味,配合埋鲜切的蒜片同辣椒,香辣爽甜鲜夹杂埋一齐的口感真系冇得弹~!令人忍唔住一食再食~!鱼饼虾饼 - 上枱时个样鬼咁靓~鱼饼虾饼本身好有咬口~啖啖肉好有弹性~只系好难解释上枱时已经凉晒~一D热气的感觉都冇~有点可惜~甜咖喱什菜 - 好难想像泰式的甜咖喱系乜野味道,原来系冇咩味道~就连最基本的咖喱味都冇乜,以为有少少椰香~真系谂多左...~V_V 可能自己本身对咖哩都有返少少要求,所以呢款甜咖喱唔系咁适合我~所谓的什菜走唔甩青椒同洋葱,仲有少少椰菜,但系样样都睇得出系啱啱先放入咖哩入面~一D都''唔熟''~卤猪手 - 话晒系餐厅
一边聚旧一边回味昔日返工的时光!!
午饭时间全餐厅只得三枱客人~我地被安排左去个餐厅最入的位置~~另外两枱室外
一入到去餐厅,好似去左另一个世界,明明都有少少凉意,但餐厅入面鬼咁焗~
坐下休息左阵,都系顶唔顺,叫服务员帮忙开一下空调,之后先舒服返少少
睇到份餐牌~D相影得好吸引! 有7,8款厨师推介~我见有生虾刺身,一定要试~
最后我地点左D心仪的食品~
生虾刺身 - 唔错~~生虾好新鲜~咬落非常爽口~唔会有腥味,配合埋鲜切的蒜片同辣椒,香辣爽甜鲜夹杂埋一齐的口感真系冇得弹~!令人忍唔住一食再食~!
鱼饼虾饼 - 上枱时个样鬼咁靓~鱼饼虾饼本身好有咬口~啖啖肉好有弹性~只系好难解释上枱时已经凉晒~一D热气的感觉都冇~有点可惜~
甜咖喱什菜 - 好难想像泰式的甜咖喱系乜野味道,原来系冇咩味道~就连最基本的咖喱味都冇乜,以为有少少椰香~真系谂多左...~V_V 可能自己本身对咖哩都有返少少要求,所以呢款甜咖喱唔系咁适合我~所谓的什菜走唔甩青椒同洋葱,仲有少少椰菜,但系样样都睇得出系啱啱先放入咖哩入面~一D都''唔熟''~
卤猪手 - 话晒系餐厅的招牌菜之一 ~真系冇叫错~猪手卤得好淋好入味,唔会好咸,加上入口即溶的感觉~真系唔错~
青木瓜沙律 - 青木瓜丝的新鲜香辣,醋的酸味,加上花生粒的香脆咬口~可以话系最简单最开胃的前菜~!
腌牛肉沙律 - 食唔出牛肉用过乜野特别浆汁黎腌制过,入口就似系普通西冷牛扒煎到七成熟切条再加入沙律菜上枱,沙律菜有青葱,洋葱同椰菜,浆汁系用少少疑似烧汁淋上去,份量少到见FEEL唔到~
蒜茸包 - 谂住点份蒜茸包黎点咖哩汁,蒜茸包的蒜茸味唔系好重~幸好食落有种即叫即焗的香脆感觉~
椰子饭 - 白饭中带点清香的椰子味~D饭劲多~!!满满一个椰青上仲要加多半碗~份量多到令人意外!!再加上花生同椰丝青菜粒粒做配料~感觉清新又好味~!
芒果糯米饭 - 去到食泰国野的地方一定要试的甜品~!!半个芒果切粒~可能唔系当造,所以有点酸~黑白糯米饭煮得好结身,入口就明白喺雪柜拎出黎钉左野,暖暖的外层中有点点凉意,面头的椰浆煮得好结身,感觉好沾口~整体感觉尚算OK
一边食一边倾~我地多次想叫加水,服务员都唔系咁想理会,我地叫佢放下支水等我地自己加,佢又唔制...之后我地想加甜品,服务员就以为我地要埋单~感觉太唔细心,大家好似唔系咁想做~ 可能呢D系佢地独有的轻松''泰国FEEL'' ~
店舖的洗手间设备当令人满意~~算系干净又唔迫!男女各一格,厕内有空间感,唯洗手位置比较迫,洗完手唔唔好谂住梳靓靓!
总括黎讲..出品唔错,可以慢坐,如果唔介意服务欠奉的话,绝对系KILL TIME 好地方~!
张贴
