白熊喫茶店 (已結業)

同女友食完板烧鸡扒包之后, 系九龙湾踩多阵单车, 咁就到晚饭时间啦！原来谂住去 mega box 食, 最后决定系德福食饭。黎呢间其实都实都系我既决定!劳动节呢日, 等都唔使等咁就有侍应带我地入去, 环境舒适, 颜色格调亦都柔和舒服! 咁我地叫左三样野, 有菠菜鸡丝沙律(日式胡麻酱), 我就系板烧鸡扒咖哩饭, 女友就人气白熊豚肉球咖哩奄列蛋饭。食物好快就到, 3分钟都唔使。沙律果啲菠菜就系生既, 我地搅混啲汁, 菜同鸡丝, 仲有系面头就唔知系咩, 脆脆地。菠菜好新鲜, 酱汁亦都好好味, 食落去其实系几开胃既!咁我个饭亦都好正, 虽然份量唔算多, 其实都够饱了。个咖哩汁唔辣, 酸酸甜甜, 入面仲有啲猪肉同埋红萝卜, 鸡扒当然走皮啦, 虽然偏油腻, 尚可接受!女友果个佢食唔哂, 我食左啲。咁同我呢个有少少分别, 咖哩汁就清淡少少, 猪肉就易入口, 整体都唔错!