影片
更多
2021-03-09
48 浏览
今次系自疫情以嚟第一次返嚟帮衬, 餐厅用咗啲心思布置枱之间隔板, 我真系第一次见唔到有餐厅会肯使钱𠮶啲临时间隔板度, 令到餐厅环境配合装修风格(周围都系喵). 讲番啲服务同埋嘢食先, 服务一如既往十分之周到, 这些食物方面. 今次叫咗个纽西兰肉眼扒套餐同埋西班牙海鲜饭, 另加黑松露薯条. 今次我发现咗餐厅用咗薰衣草香片茶包(免费供应), 阵阵薰衣草味, 都几吸引. 头盘上咗蔬菜汤, 饮落去几清甜. 之后上咗个杏仁餐包配黑醋同橄榄油. 再有一个杂菜沙律, 味道中规中矩. 之后食咗黑松露薯条, 薯条系我钟意𠮶细身, 不过黑松露酱就味道唔算特出, 份量ok 2人用. 跟住个纽西兰肉眼叫咗五成熟, 煮出嚟啱啱好, 有肉味及油香, 但如果厚返少少就perfect. 至于海鲜饭, 青口同蚬肉都新鲜弹牙, 个饭系用咗risotto𠮶只米, 配咗个蕃茄芝士汁, 都几惹味. 餐饮叫咗个菠萝汁同埋朱古力, 朱古力劲好饮推介. 最后今日个甜品系生朱古力糕, 食落有啲似千层糕. 总括嚟讲水准冇乜下降, 反而部分地方有惊喜...期待下次再食
张贴
