影片
更多
2022-09-30
468 浏览
观塘成业街，对我哩讲好有感情，曾经系哩条街返过两份工，开过自己嘅公司，但咁多年经过新汇聚，总系过门不入，原来又系有原因....今次要倾保险，基金同老强，所以约咗帮我处理哩一大埋问题嘅 agent 妹妹出嚟食饭，佢地大本营系观塘，所以佢话上新汇聚开餐.我原本唔想去新汇聚，但我提意其他地方交通唔太方便， agent 一个妹妹仔归家麻烦，佢提意D餐厅又好鬼贵，虽然佢话请，但我都唔想食人只车㗎..... 新汇聚系佢推介中叫做最平.... 又有地铁方便佢返新界北，无计.....点咗鹅肠并墨鱼，豉椒炒花甲，酥炸桶蚝，豉汁蒸白鳝，密糖薯仔牛柳粒.优点 : 1, 交通方便啦!2, 豉汁蒸白鳝最掂，鳝肉鲜甜嫩滑入口即溶，豆豉汁惹味唔系单一只有咸味.3, 豉椒炒花甲无沙.4, 密糖薯仔牛柳粒夹自己口味，牛柳点够甜，但煮得啱啱好，煮得再耐d就过火会韧.缺点一大锣!1, 原本叫鹅肠并墨鱼，嚟咗红肠并墨鱼，之后转啱咗嚟鹅肠，鹅肠外貌吓一跳!我冲口而出爆咗句"咩哩㗎!", 第一次见咁大旧膏!心知不妙!有D餐厅嘅鹅肠系无膏，好明显新聚汇嘅鹅肠系有膏，仲要系劲大旧!另外，颜色系好奇怪嘅灰色，唔通哩只系灰天鹅?最后，鹅
今次要倾保险，基金同老强，所以约咗帮我处理哩一大埋问题嘅 agent 妹妹出嚟食饭，佢地大本营系观塘，所以佢话上新汇聚开餐.
我原本唔想去新汇聚，但我提意其他地方交通唔太方便， agent 一个妹妹仔归家麻烦，佢提意D餐厅又好鬼贵，虽然佢话请，但我都唔想食人只车㗎..... 新汇聚系佢推介中叫做最平.... 又有地铁方便佢返新界北，无计.....
点咗鹅肠并墨鱼，豉椒炒花甲，酥炸桶蚝，豉汁蒸白鳝，密糖薯仔牛柳粒.
优点 :
1, 交通方便啦!
2, 豉汁蒸白鳝最掂，鳝肉鲜甜嫩滑入口即溶，豆豉汁惹味唔系单一只有咸味.
3, 豉椒炒花甲无沙.
4, 密糖薯仔牛柳粒夹自己口味，牛柳点够甜，但煮得啱啱好，煮得再耐d就过火会韧.
缺点一大锣!
1, 原本叫鹅肠并墨鱼，嚟咗红肠并墨鱼，之后转啱咗嚟鹅肠，鹅肠外貌吓一跳!我冲口而出爆咗句"咩哩㗎!", 第一次见咁大旧膏!心知不妙!有D餐厅嘅鹅肠系无膏，好明显新聚汇嘅鹅肠系有膏，仲要系劲大旧!
另外，颜色系好奇怪嘅灰色，唔通哩只系灰天鹅?
最后，鹅肠好似烚咗好好好耐，完全无味道，正常鹅肠点都会落吓麻油呀，卤水呀，我相信系无!人地食鹅肠点嘅辣油好香蒜味，新汇聚连辣油都唔香同淡味!我怕辣都要不停点辣油，仲要麻烦侍应俾多碟辣椒豉油先叫做入得吓口! 搅咩呀!
墨鱼唔弹牙有D韧，无咩鲜甜味，唉..... 唔掂档.....
2, 原本系叫姜葱桶蚝，又搅错煮咗酥炸桶蚝!睇睇张单真系落错咗酥炸桶蚝，唉...... 局放底!
虽然炸浆够酥脆，外脆内软，但同我心目中嘅要求有点距离，原因炸浆唔够多，我要求炸浆包哂成只蚝完全唔透光外面见唔到只蚝，咁嘅炸浆够多先为合格，当然...... 好多餐厅都做唔到了......
3, 豉椒炒花甲好似豉椒炒蚬，蚬肉又细又少，又唔多够热!
4, 叫罐汽水，俾咗隔离枱，又搅错!都算!少事啫.... 但叫住佢汽水系我地点，都仲要俾错人，最好笑系口就话俾紧你，但汽水就俾错人地!
有个侍应仲要走埋嚟同我地讲，鹅肠份量俾多咗你地㗎! 真系多谢哂!
事后终于真相大白!明白点解咁多年都过门不入!又一次唔听第六感嘅后果!
无下次了.....
张贴
