新泰東南亞餐廳

营业中

休息中

突然想食泰式菜，朋友就带我嚟咗尖沙咀嘅新泰。原来尖沙咀有两间新泰架！今次我食嘅系加拿分道分店。店面非常阔落，门口仲有架Tuktuk车可以俾大家影相。行落地库，原来地方好大～可以容纳好多人。装修偏向泰式风情。「烧西冷牛扒」将西冷烧到外面香脆，内里肉质鲜嫩。有两款泰式酱汁，一款香茅偏清新、一款微辣醒胃。西冷牛点咗酱汁之后味道更有层次。仲有酸萝卜作配菜，好开胃。「焗南瓜海鲜饭」用原只南瓜焗制，炒饭吸收到南瓜甜味，中间也有南瓜粒。上层舖满芝士同海鲜。海鲜有海虾、青口、鱿鱼。海鲜味道不错，鱿鱼弹身，焗饭份量不少！好满足！「椰子班戟 (班兰味)」微热上枱，用椰子肉焗成，下层口感烟韧，上层有一条条椰子肉，好特别。