Tokyo Secret 味之藝術 (已結業)

尖沙咀人多车多，行走于炎炎夏日之中尤其辛苦。星期日同朋友响尖沙咀行左个多小时，早已心烦气躁，急不得离开这个蒸炉。响行经嘉兰围的小路时，突然听倒阵阵欢乐愉快的音乐，一望之下原来有间好色彩缤纷嘅雪糕店，超多人排队，响尼条无咩人嘅小行度显得特别吸引。同朋友拎左个餐牌睇，发现啲雪糕超得意平时好少见倒，价钱大约$30-$42，响尖沙咀黎讲教可以接受，一定无麦记平，但胜在新鲜又得意。原先想试枫之火焰，但竟然卖晒咁受欢迎，嬲嬲哋又劲口干，都系饮杯可可魔法算，冻朱古力实无死。拎倒杯嘢外貌就系普通朱古力加好多Cream一杯，冻冰冰劲解暑，点知饮左啖就停唔倒，朱古力超级香浓，又滑，重点系甜度刚刚好，难得饮完成杯都唔觉饱同腻，而家谂起都仲想饮。朋友就系超中意抺茶，叫左个京都小山园绿茶，话超级好味，浓浓抺茶味，甜度相宜。不过本人麻麻绿茶，无试过。