牛繁 (MW Plaza) (已結業)

牛繁在日本有多间分店，香港依家都开左，又约左肉食朋友去试试佢。佢热会跟从日本原店做法，酱汁全由日本空运过来，但系就净系得单点冇放题，不过都可以接受。牛繁亦都系用gas 烧烤炉，一炉一个抽风机，店内都唔算好大油烟。单点最抵食系呢个牛繁三点盛合，牛繁三点盛合有齐上级牛五花、特上胸腹肉、中落牛肋肉三款，份量menu写每款三件，但系上碟系比三件多，三款入面我最钟意上级牛五花，脂肪比较多，烧完有入口即溶嘅口感。特上胸腹肉亦都唔错，可以见到脂肪比例岩岩好，唔太肥亦唔瘦。相对之下，我就觉得牛肋肉有少少失色，肉较厚较难烧，但肉味重。厚切牛和亦都好靓，厚切比簿切有口感得多，可口弹牙，肉质鲜嫩👍🏻极上和牛板腱配月见汁系成晚嘅精选，佢嘅花纹好靓，肉质新鲜，容易烧，配埋月见汁加蛋酱，个味道配合得岩岩好，系一定要点个蛋酱，第一生块唔记得点同点左系差好远，系味道嘅提升。壶渍牛肋条应该系同三点盛合个牛肋条差唔多，所以如果叫盛个就可以单点其他部位喇。最后呢个温泉蛋饭系必食，只系$48， 系好好食，当你食到有少少肥腻，就食啖饭中和下，温泉蛋饭捞埋，再加上紫菜同芝麻，又香又好味。抵到不得了。