蝦魂

营业中

休息中

宜家除咗鸡白汤流行，虾红汤都多咗好多拉面店做。今日嚟呢间虾魂，新开一个月到，有齐鸡白汤同虾红汤两款之外，仲有酱油牛骨清汤同鲷鱼牡蛎汤，唯独系无坊间最多嘅豚骨拉面。叫得虾魂，主打一定系虾拉面，虾红汤拉面汤底有浓浓嘅虾味，仲有樱花虾，虾头膏增鲜，配料有紫菜、半只味玉、木耳，同埋四只去壳基围虾。成碗面都系虾味。想食辣可加$3蚊要个自家制辣虾酱，连埋面一齐食就够晒惹味。另外叫咗客阿根廷红虾鸡肉饺子，入面有一只虾同埋免治鸡肉。衬返个虾汤一齐食，爱虾人仕必试。