影片
更多
2010-12-21
217 浏览
蔡澜、Ar 苏、韬韬，出名食家一个接一个，爆红餐厅一间又一间，而当中有几多个食家真系有皇帝脷？又有几多美食真系本应天上有？试过Ar 苏推既布袋澳发记、澳门虾籽面 、 韬韬主理既元朗大荣华酒楼 及 蔡澜力撑既澳门豆腐花后，我知道我会同蔡澜 friend d… 最近再黎多个少年食神，即刻到访沙田18，测试自己同Michael系咪完全0岩咀型~~ 公仔箱、广告、名人，绝对系做Marketing既捷径！沙田18一经少年食神推一推，想系周末"正常"晚饭时间用餐，起码要早两星期订位！ 我早一星期订位的，都只订到周六晚上9:30时段！ 家中习惯晚上7时许开饭既我们，是晚9时许已到达餐厅，本以为有机会提早坐低，但最终都系我们想太多… 幸好有舒服沙发提供可以歇歇脚！直到9:25，终于被安排入坐，而我地坐既正正系少年食神那个有厨房景既位置；但是晚变了一张长餐枱，有感坐圆枱先算食中餐既我们，要求转枱。见侍应们慢动作地清洁及整理圆枱，饿疯既我们只好先点菜… 北京填鸭 (三食之一)：以为只有上电视餐厅才出动大厨即场片鸭，原来唔系拍野都有既~~ 北京填鸭 (三食之一)共有三碟，一脆脆表皮，二连皮鸭肉片，及三
公仔箱、广告、名人，绝对系做Marketing既捷径！沙田18一经少年食神推一推，想系周末"正常"晚饭时间用餐，起码要早两星期订位！ 我早一星期订位的，都只订到周六晚上9:30时段！ 家中习惯晚上7时许开饭既我们，是晚9时许已到达餐厅，本以为有机会提早坐低，但最终都系我们想太多… 幸好有舒服沙发提供可以歇歇脚！
直到9:25，终于被安排入坐，而我地坐既正正系少年食神那个有厨房景既位置；但是晚变了一张长餐枱，有感坐圆枱先算食中餐既我们，要求转枱。见侍应们慢动作地清洁及整理圆枱，饿疯既我们只好先点菜…
北京填鸭 (三食之一)：以为只有上电视餐厅才出动大厨即场片鸭，原来唔系拍野都有既~~ 北京填鸭 (三食之一)共有三碟，一脆脆表皮，二连皮鸭肉片，及三净鸭肉片。后两款为落酱加葱包埋皮食，但鸭肉无味兼有d韧；只有脆脆既填鸭皮入口即溶令人惊喜！但整体而言，令人失望…
鸭菘生菜包 (三食之二)：先要赞赞d生菜！切到块块都圆形一个size，完全见唔到生菜唔新鲜既部分！而个鸭菘，调味ok，够野味；但鸭"骚"味好浓… 大大扣分… 可惜
豆腐鸭汤(三食之三)：呈奶白色，此汤将鸭"骚"味完全表现出黎！！唔点都唔会再扣咁多分！
煎饺子：个presentation好靓好吸引，煎饺子底部煎到有花纹装饰般，但味道却不令人惊喜，只系好普通既水准…可惜
水饺：与八方云x既无大分别…
花生虾鱼干炒苟菜：虽然系好普通既四样野 --- 花生、虾干、鱼干、苟菜，个却离奇地合拍！ 未知虾干、鱼干是否餐厅自制，但只系个组合都已经好好！将此菜夹进鸭菘生菜包，会系一个新尝试且可劈走鸭"骚"味既好办法！
蒜子腐竹炒芥菜：几特别同新颖既组合，可惜无特别效果…
白菜猪肉根：猪肉根同白菜都好爽！不错既稳扎选择！
一口糯米蒸排骨：呢个系令全餐饭值回票价既一道菜！ 先睇外貌己知制作方法繁复！起初都担心糯米会干同有异味 (类似麻包袋味… ) 但扑鼻香气全释疑虑！我好放心将佢一口消灭~~ 糯米都有加入调味，而排骨好香好滑！认真值回票价~~~
蛋白瑶柱炒饭：镬气好够，d饭一粒粒，不太干不太油，好香既一碟蛋白瑶柱炒饭；但其份量少得吓坏人！一行七人既我们，点一碟蛋白瑶柱炒饭，每人只分到两匙羹炒饭！
两面黄：先论份量，终于较为正常！有三个面饼，每半个面饼都能填满酒楼既细size碗。而面饼比眼见相中既脆身！酱汁加入叉烧同处理得好好既黄沙猪润，将芳香惹味酱汁加上脆脆面饼，谁人不爱？
五粮液朱古力雪糕：酒，一直都能诱发朱古力味提升；但利用中国酒，乃头一次见！效果不错！朱古力雪糕味道偏浓，不像牛奶朱古力般劲甜！喜欢Dark Choco既我最合口味！雪糕入口有一股类似菠萝涩味，及后紧接系浓浓既朱古力味！系一个不错既尝试！
总括而言：论服务，我未能完全感受到酒店级服务水准，可能太多炒散 trainee。论菜式设计，系较市面一般餐厅为特别。论整体出品，既非令人一试难忘，又非不可不吃。论餐厅地点，非常隔涉。再论少年食神，过度渲染。
张贴
