蔦 (已結業)

系香港要食拉面既话,选择有好多,而我就惯左每个月都至少试一间拉8既,所以好少会重覆食。呢间'鸟', 我想试好耐,但一直都未有机会,因为佢个关门时间实在太早。好多次想去试先发现已经关左门。最近,终于就岩时间,6点几就去食个early dinner啦。因为仲未到晚饭时间,所以都唔系好多人排队。不过店内座位数目有限,都系要等一阵先有位坐。拉面我都系食猪骨汤多,因为好多时酱油味既都偏咸。不过'茑'就系出名酱油 (同埋都无猪骨),一于试下佢啦。打算叫个酱油拉面,一旧水有找,但原来系无蛋既,唯有加多15蚊要酱油味玉拉面啦。酱油味玉拉面 $113一黎到已经闻到黑松露既香味,个汤清清地,心谂应该都唔会太咸既。饮啖汤先,味道适中,加上有黑松露加持,几特别,唔错既。叉烧同(蛋就同平时食个啲差唔多。虽然睇落份量好少,但都饱既 (可能时间尚早既关系,我未系好肚饿)。$113...略嫌贵左些少。不过有机会既话,都会想试埋佢个盐味拉面既。