霞小飛 (已結業)

今日落大雨，我哋决定捐地窿去咗尖沙咀食饭。上次经过霞小飞，我已经俾佢餐牌嘅名吸引咗。佢哋有一个叫做「小姐黑豚肉叉烧饭配煎蛋」同埋「大少海南鲜鸡饭」。咁既然今日落大雨，谂唔到食乜好，所以我哋就决定嚟哩度食啦。大少叫咗小姐叉烧饭，而我就叫梗系咗大少海南鸡饭。个饭一嚟到大少已经讲，得四件叉烧咁少。虽然个d叉烧比起烧腊店里面嘅叉烧大件少少，但系得四件叉烧加煎蛋配饭又真系唔系好够𩠌。可能呢一个系比小姐食嘅饭，所以份量系细啲。除咗份量系细啲，大少就话味道不过不失，冇乜特别好食唔好食。但系以收嘅价钱得四旧叉烧，就真系唔抵食。我个海南鸡系配油饭。可能因为我依个系叫做大少饭，所以份量亦都大少少。一望我都已经知道食唔晒，所以分咗小小俾大少。虽然啲饭系黄色，但系一啲都冇油饭应该有嘅香味。啲鸡就好嫩滑，有一两够仲带有小小红。有姜茸同埋海南鸡甜豉油捞饭，已经好满足。虽然佢嘅味道唔系太差，但系真系完全唔抵食，所以我比劣评。