源記餐廳

营业中

休息中

以前公司喺附近，源记基本上系饭堂，片头河加腩汁，系冇走鸡嘅选择，但系自从公司搬咗之后已经好少再食，今日经过附近做嘢，走去食返餐，点知又系一间差咗嘅餐厅。以前源记嘅腩汁又香又浓，河粉吸晒啲腩汁味，真系淡淡都好味。今日个腩汁真系淡晒，食落去好似豉油味咁，我都唔知佢系转左老细定系转左厨房。片头就系正常嘅，个菜都几甜，但系冇咗精华嘅腩汁我真系唔使喺度食。奶油脆猪都算脆，但系油同奶都唔够，$26.1个下午茶餐，虽然唔系贵，但系都唔好咁孤寒啲材料啦。