Jacomax (已結業)

想同好姊姊girls’ talk兼叹美食，无意中揾到呢间新开既餐厅，见到环境几令人心情放松，同埋闻到好香既pizza味，所以决定入黎试试。Order左三样野开心share，首次Rocket salad with blueberry sauce ($102)份量充足，，蕃茄仔好清甜，火箭菜同沙律菜好新鲜，混入巴马臣芝士调味，丰富左沙律既味道，仲有酸中带甜既黑醋酱，绝对系醒胃前菜之选。而Carbonara ($110)一睇卖相已feel到白汁有几浓郁，事实上食落意粉相当creamy，酱汁厚身奶味重，每条意粉都沾到满满既酱汁，好啱我呢d白汁迷，而意粉就相当有弹性，软硬恰到好处。特登拣左呢款同餐厅名一样既薄饼Jacomax ($160)，估计应该系招牌菜卦！香脆既饼底上面放满牛肉碎、水牛芝士、番茄、青椒，中间仲有只半熟蛋，都几特别㖞！薄饼食落好软熟，食材味道好新鲜，溶化左既芝士好吸引，一块接一块实在无难度。