影片
更多
2020-10-23
173 浏览
本身好钟意食正宗嘅越南菜睇到有人话呢度新开几正宗就谂住去试下 两个人叫咗四样嘢蕃茄蟹檬 $88牛油鸡翼 $68越式春卷 $78牛肉串烧 (两串) $48首先蟹檬好快就嚟咗，个汤系完全冇蟹味，得番茄同香茅嘅味，都算啦咁嘅价钱我都唔期望佢系真材实料咁用好多蟹嚟煮个汤头，本身冇乜期望所以都冇失望，附送用嚟放落汤嘅芽菜同香叶都唔系好新鲜其余三样嘢系新鲜整嘅所以就等咗一阵陆续先上。首先个牛油鸡翼有好多炸蒜黐住喺度，炸得几惹味又保留到肉汁，略嫌啲炸蒜少少盖过咗牛油嘅香味个牛肉串烧卖相睇落好似几好，一食不得了，个牛肉系入口即化，唔好意思，系落咗松肉粉𠮶种化跟住个春卷嚟到我真系下咗一声，只有四小件，系茶楼食到嘅春卷一半嘅size，盛惠78蚊... 重点系味道毫无特别，如果用佢畀埋嘅生菜包住一齐食就更加乜味都食唔到... 我系由ig得知呢间新开嘅餐厅，亦都见到佢哋soft opening期间有九折优惠。有枱客人问系openrice book唔到枱但系会唔会照有九折，个经理就话冇 (佢地应该系唔知唔使book都会有优惠)，但当我之后同经理讲我喺ig见到个优惠佢就话可以照做返个九折俾我(??)，希望餐厅要做
睇到有人话呢度新开几正宗就谂住去试下
两个人叫咗四样嘢
蕃茄蟹檬 $88
牛油鸡翼 $68
越式春卷 $78
牛肉串烧 (两串) $48
首先蟹檬好快就嚟咗，个汤系完全冇蟹味，得番茄同香茅嘅味，都算啦咁嘅价钱我都唔期望佢系真材实料咁用好多蟹嚟煮个汤头，本身冇乜期望所以都冇失望，附送用嚟放落汤嘅芽菜同香叶都唔系好新鲜
番茄蟹檬
$88
6 浏览
0 赞好
0 留言
其余三样嘢系新鲜整嘅所以就等咗一阵陆续先上。首先个牛油鸡翼有好多炸蒜黐住喺度，炸得几惹味又保留到肉汁，略嫌啲炸蒜少少盖过咗牛油嘅香味
个牛肉串烧卖相睇落好似几好，一食不得了，个牛肉系入口即化，唔好意思，系落咗松肉粉𠮶种化
跟住个春卷嚟到我真系下咗一声，只有四小件，系茶楼食到嘅春卷一半嘅size，盛惠78蚊... 重点系味道毫无特别，如果用佢畀埋嘅生菜包住一齐食就更加乜味都食唔到...
我系由ig得知呢间新开嘅餐厅，亦都见到佢哋soft opening期间有九折优惠。有枱客人问系openrice book唔到枱但系会唔会照有九折，个经理就话冇 (佢地应该系唔知唔使book都会有优惠)，但当我之后同经理讲我喺ig见到个优惠佢就话可以照做返个九折俾我(??)，希望餐厅要做优惠嘅话唔好做到咁小家...
差唔多食到尾声嘅时候， 有staff走埋嚟想收我只碟，重点系我根本未食完，仲有食物喺只碟度，所以冇比佢收。话口未完又有另一个staff想收我只碟，今次我态度有啲强硬话我仲未食完，跟住佢走咗。我同男友讲笑话如果仲有第三个人走埋嚟我谂我会反枱，点知真系有！！ 好彩佢喺我未发火之前俾第一个staff拉走咗佢。当晚系冇乜客人，起码有一半吉枱， 我唔知啲staff系想赶客定系太得闲冇嘢做喺度玩收碟...
好心做下staff training啦，问menu点解冇我喺网上见到嘅法包，个侍应支支吾吾话得午市有但可以照做畀我，但系价钱会贵啲，问佢几钱佢就好似求其噏咗个价钱出嚟咁，我真系无言以对
总括而言间嘢开正系时代广场对面，咪又系谂住做打工仔同游客嘅生意，可想而知会有几正宗
张贴
