華源茶餐廳

营业中

休息中

记得小时候食过1次，所以小店都真系有d历史。大个因为成日见到好多赌马既叔叔系入面高谈马经，所以冇点再去。前排得知就嚟结业，所以去怀缅一下。平日下午茶时间入到去，人不是太多。装修依然是小时候的旧式风格。一般茶餐厅既食物其实佢都有，门口还有应是自家制既面包，西饼，系间好传统既茶记。最后点了炸髀烩意粉(蒜蓉汁)，蒜蓉汁真系几蒜蓉，系以前果种既味。炸髀都ok，外皮都香，肉质都ok，但肉既味道就冇乜点腌，味道不太足够。意粉旁再有点菜，真系好旧式做法，但又真系几好。饮品方面，见到d都几特别既野，而且只系加$5就转到。最后拣了阿华田咖啡，都几特别，估唔到会可以有咁既配搭。如果有下次，可以再试下其他。价钱只系$43+5(转特饮)，经济实惠，绝对系街坊价。