風雲丸 (已結業)

话说肥仔有一次由湾仔行去铜锣湾嘅时候，经过呢个"风云丸"，就Bookmark咗下次食！我地去嘅时候，正正系晚餐时间，虽然条排唔太长，但等下等下都等咗45分钟，入到去就发现有2张枱因为滴水嘅关系，冇俾客坐。当差不多排到你嘅时候，就会排menu俾你拣定。特别在佢地有小朋友餐，分量应该系少点。但我地发现沾面系冇得拣面嘅软硬度。平时其他沾面店都有得拣面质嘅软硬度同汤嘅浓度。不过佢有4款面既份量，啱晒不同食量嘅人。我拣咗，温面，并盛(200g 最少的)。先饮一啖汤，汤唔太咸，都几浓郁同'杰'身。面质比较粗，而且几弹牙。叉烧好大旧，但脂肪比例多咗，同埋好鞋....肥仔拣咗，冷面，特盛 (400g)咖喱味系重嘅，我坐对面都闻到，但叉烧都系偏肥同鞋啰.....肥仔个咖喱汤食到最后唔够汤，向职员要求加汤时，可惜只可以加普通鱼介汤，令咖喱味啖咗好多。如果面店可以应因返客人若order嘅份量，俾返适当份量嘅汤就好喇！最后，同日本餐厅一样，佢地系有围裙提供嘅！著白衫嘅、食饭唔小心嘅，记得问职员拎喇！