Moon Thai (已結業)

有一个好耐无见的旧朋友生日，约左佢去佢公司附近食饭，原来佢转左工，去左上环返工，佢话佢有时同同事都会去食一间几有feel的泰国菜，所以就同佢去食啦。因为个朋友食开，加上佢生日，所以就比佢话事，佢拣左几个食开好食的菜式。佢点左一个苏梅火辣海龙koong、鱼肚羮、猪肉碎生菜包、马沙文咖哩配鸡球、油松饼同甜品拼盘，之后每人点左一个椰青，非常丰富。苏梅火辣海龙koong方面，初时以为系咩嚟，原来佢话koong系泰文虾的意思，呢个菜系拎过奖，所以推荐我食，啲配料好多香，夹埋一齐味道不错。鱼肚羮就材料好丰富，又有蟹肉，都几鲜甜。猪肉碎生菜包比起出面一般泰国餐厅好食，食得出有好多香料，而且味够辣，好惹味。之前未咩听过咩马沙文咖哩，后来先知系咖哩的其中一种，呢款咖哩味道又几好味㖞，食得到有椰子味，甜甜不辣，加埋啲配料食好好味，我朋友话佢食过咁多次，觉得佢同油酥饼系最夹，真系超好食㖞，因为油酥饼焗得好香脆的关系，加埋咖哩都唔会淋，真系好好。而椰青系原个，入面清甜好饮，钟意食椰肉的朋友仲可以饮完食，真系不错的选择。仲有一个好多款的甜品拼盘，有泰国最出名的芒果糯米饭，芒果甜而不酸，好正。