K2 Kitchen (已結業)

前排经过朋友嘅极力推介下,试左同一集团旗下嘅i kitchen,食物质素令我相当满意,所以决定同男朋友试埋依间K2 kitchen,果然冇令我失望。厨师餐汤系带子薯仔烟肉汤,薯仔已经煮得彻底溶化,饮落绵密带有烟肉香气。猪扒非常之厚被煎得金黄色同焦香,而且带有香脆口感。一切落去肉汁已经澎湃地涌出,而且食落软淋得黎带有咬劲。特别系带有脂肪嘅位置更添一份油香。配上意大利黑醋酸酸甜甜嘅味道可以解腻,越食越开胃。肉眼扒选择左五成熟,煎得啱啱好同我所要求嘅熟度符合。肉质软淋配上黑椒得啱啱好。连餐饮都非常之高质,我所选择嘅冻鲜奶朱古力,朱古力味浓厚。只要加$10就可以享用甜品每日嘅甜品款式都唔一样。当日咁啱就系柠檬芝士蛋糕,味道非常清新。最值得一赞就系佢嘅伴碟画,非常之有心思,令人赏心悦目。未品尝甜品就系见到半碟已经好开心。