至尊滿屋日本料理 (已結業)

又黎食放题，今次出旺角试高人气嘅满屋。整体质素不错，下面果啲重点推介。吉品鲍汁花胶盛宴，四块花胶，劲浓味，啲汁又较得好，一般放题又无，真系几惊喜。天妇罗入面虾其实都唔错，但最钟意嘅系蟹棒天妇罗，外脆就必定啦，但咬开有汁有蟹鲜味，十分正。串烧部份烧菠萝坚正，唔算太热，但超多汁，感觉好新鲜。炸物方面广岛蚝够鲜味，炸鲜虾云吞只虾几弹牙，连埋外面超级脆皮带出黎果个反差真系令我再叫多一只。榴梿控就必点榴梿炸弹，一咬开劲香劲好味，榴梿正，配埋炸嘢系外围就更系另一番享受。呢间清酒梅酒任饮，亦有唔少嘢饮拣，感觉好赚，特别一提梅酒无沟稀好多，值得一试。