616牛肉火鍋專門店 (翠怡花園)

营业中

休息中

约朋友出黎食饭，真系难过登天，难得一班人一齐食饭，紧系要揾啲好味道、坐得舒服、又可以倾计倾得耐嘅餐厅啦，我觉得打边炉真系最适合喇。今日又有高质边炉推介俾大家，今次就黎到大埔。-喱度比起平时嘅火锅舖头，最大嘅特色，就系喱度主打食牛肉！仲要系鲜牛肉，同埋各种由牛肉整成嘅食品，例如系牛丸、牛肉饺等等。-汤底嘅选择唔算话好多，今次拣左佢特别推介嘅牛杂汤底。-汤底嘅牛味非常浓郁，但系又唔会有𠮶种牛嘅腥味。牛杂炆到好淋，同埋好入味，其中最推介佢嘅牛肚同埋牛肠，咬落爽口弹牙，好味啊。-牛肉嘅选择好多，各个唔同嘅部分都能够点选黎品尝，例如系尾龙、匙柄、胸口膀等等。其中我最钟意就有牛驼峰同埋牛心椗，牛驼峰油份较重，入口咬落好淋，好香口。而牛心椗口感就完全唔同，咬落爽口好多。