影片
更多
2021-12-08
661 浏览
呢间舖头长期排长龙先食到，其中大家常常推介嘅就系沙嗲牛肉面，作为一个沙牛迷，即使间嘢喺元朗咁远，我都会专登入去试一试。当日排咗大约廿分钟左右，已经满心期待！二话不说叫个沙牛蟹王面($31)，沙嗲汁真系好稠，但食落其实无乜味，无花生酱及椰香，亦食唔到洋葱的惹味，我系十分极度之失望，其实同出面好多茶记一样咁普通的味道，只系佢比较浓，就系咁了，一啲特别都无，唔太理解点解咁多人话好食。另外叫咗同样出名的炸猪扒配福面($22)，块猪扒炸到柴咁...我已经唔太记得个味道，因为只系食到𠮶种万年油味最后亦叫咗个芝士流心蛋鲜牛治($26)，都系普普通通，呢度嘅流心蛋意思，应该系太阳蛋但笃穿咗蛋黄嘅意思。味道就真系一般，唔值得去排队食，但价钱唔算贵就真嘅，所以我唔会要求佢好好食。
呢间舖头长期排长龙先食到，其中大家常常推介嘅就系沙嗲牛肉面，作为一个沙牛迷，即使间嘢喺元朗咁远，我都会专登入去试一试。
当日排咗大约廿分钟左右，已经满心期待！二话不说叫个沙牛蟹王面($31)，沙嗲汁真系好稠，但食落其实无乜味，无花生酱及椰香，亦食唔到洋葱的惹味，我系十分极度之失望，其实同出面好多茶记一样咁普通的味道，只系佢比较浓，就系咁了，一啲特别都无，唔太理解点解咁多人话好食。
另外叫咗同样出名的炸猪扒配福面($22)，块猪扒炸到柴咁...我已经唔太记得个味道，因为只系食到𠮶种万年油味
最后亦叫咗个芝士流心蛋鲜牛治($26)，都系普普通通，呢度嘅流心蛋意思，应该系太阳蛋但笃穿咗蛋黄嘅意思。
味道就真系一般，唔值得去排队食，但价钱唔算贵就真嘅，所以我唔会要求佢好好食。
张贴
