PizzaExpress (已結業)

今日同两个朋友黎揾食，三个人叫左2个pizza 同一个烤面包。呢个都几好食，面包好烟韧。但我自己就唔太钟意蕃茄酱 所以另外叫左佢比牛油我（免费的），点知，佢个牛油超好食！唔系一般咸牛油，而系有蒜蓉香草味的，搽落个包到，好正！呢个薄饼我冇乜点食，上文提到我系唔太食蕃茄既。但喜欢蕃茄既朋友可以试下，佢味道既配搭系唔错的，尤其系啲好香好香既芝士同烟肉，配上酸甜既蕃茄酱，就一啲都唔腻。呢个系我既大爱，次次黎都要食。鸭肉虽然都系雪藏货，但有好香鸭味，配上甜中带辣既海鲜酱同薄脆饼底，好特别。但朋友就话有啲奇怪，所以想尝鲜既朋友就试下啦。