Bib n Hops (已結業)

好耐都无出去食过午餐了， 睇MENU已经可以拣三款想食，想食汤类, 又想食热石锅类，不过己经知道大约咩味道，最后好彩佢今次个石锅类无牛肉 (好似每几个月转一次), 所以我就拣咗牛肋拌饭，咁我就无叫汤，本身汤系南瓜，我就拣咗红菜头沙律，唻到个沙律几靓仔，心谂好在无饮汤，本来估到红菜头大约咩味但一食落去E咁泡菜嘅，咁估到佢似系用泡菜方法去腌，而且有嫩口嘅羽衣甘蓝，黄椒等而个以为系千岛酱居然系有点介辣味，感觉都几出奇，但系系好食嘅。同事叫咗口水鸡石锅饭，我试咗粒口水鸡味道甜甜地，哈哈麻麻地，Burger 个卖相都好好，薯条好脆又唔会硬身，咁我嘅牛肋饭送上唻卖相比我想像好唔同，心谂正呀有新尝试嘅感觉。一口试咗啖饭，入口非常丰富有豆、韩国紫菜、流心蛋、羽衣甘蓝……饭嘅汁系酸酸地好开胃，初头都谂住会唔会唔饱，原来系非常饱o架，个牛肋都整得好Juicy又唔会有肥腻感，呢个饭系好有诚意又好食推荐!!!餐可以拣饮品或甜品，我要咗甜品Tiramisu，呢个就麻麻地好食都几甜又无咩Tiramisu应有嘅味。