嘴兒甜 (已結業)

好难得来到大坑。实在有太多嘢想试，今日想拣D草根美食吃吃。顺兴嘅车仔肠粉、炳记嘅猪扒及永兴阁嘅肉饼已先后尝过，好想吃吃阿伯伯嘅推车仔炭炉鸡蛋仔，但去到快乐厨房附近，都唔见影，于是顺住铜锣湾道走，见到呢度有点心卖，仲有鸡球大包添，马上要一个...印象记得元朗系有一间分店的，但就从未来过...十一大洋一个，卖得比家附近嘅明珍贵一点。吃一口，包质感十分之松，一揻即散，唔系小弟杯茶；馅料都算足 --- 鹌春蛋、鸡翼、猪肉及葱等，但就欠缺火腿粒。再吃多几口，吃得出加入咗少许马蹄粒，几爽口，颇特别...馅嘅肉汁并没有想像的多，有点失望...吃大包，都系返明珍食好过...