影片
更多
2022-08-17
803 浏览
又来撑宝哥场啦!隔一段时间就自动番黎, 为既就系再尝宝哥嘅私房菜~ 实力派果然名不虚传, 功架水准完美保持到,果然系30年经验老师傅!一坐低老板娘即推介佢地既新作「冻柠茶」，唔好以为普通料，查实因为宝哥特别用几种花茶一齐煲黎做茶底，所以第度系饮唔到架，好清新花香味，岩好解滞打个底~饮完柠茶就来一个老火靓汤啦！ 「去湿冬瓜猪尾骨汤」大热天时去湿消暑绝好!煲足5个钟够晒火喉，香浓超甜但完全唔落味精，落足料汤渣都有一大碟！一煲够4个人饮, 2个人每人饮到2.5碗, 咁先够喉！「蜜椒鸡翼」好惹味， 甜甜地，面头有好多芝麻粒同蜜糖，而且炸得香香的，单骨好多肉又容易handle，完全系开胃小食～「 失传酱脆皮生炒骨」老板娘透露话点解甘好食，秘诀系除左用上浸泡多日嘅苹果醋腌味，加埋新鲜猪排骨即炸用料新鲜之外，仲因为师傅好手势够镬气，酸甜度适中，仲有拔丝效果，外皮香脆内里鲜嫩多汁，做到呢个效果唔易架！「喜聚坊小炒皇」系次次必点既，因为材料极之丰富，其他地方好少食到，有腰果﹑三色椒﹑韮菜花﹑鱿鱼﹑珊瑚蚌﹑虾球﹑虾干﹑白饭鱼同菜脯等，味道咸香，用黎送酒好适合~最后仲有甜品「 腐竹薏米糕」，有腐竹味，微甜，
隔一段时间就自动番黎, 为既就系再尝宝哥嘅私房菜~ 实力派果然名不虚传, 功架水准完美保持到,果然系30年经验老师傅!
一坐低老板娘即推介佢地既新作「冻柠茶」，唔好以为普通料，查实因为宝哥特别用几种花茶一齐煲黎做茶底，所以第度系饮唔到架，好清新花香味，岩好解滞打个底~
饮完柠茶就来一个老火靓汤啦！ 「去湿冬瓜猪尾骨汤」大热天时去湿消暑绝好!
煲足5个钟够晒火喉，香浓超甜但完全唔落味精，落足料汤渣都有一大碟！一煲够4个人饮, 2个人每人饮到2.5碗, 咁先够喉！
「蜜椒鸡翼」好惹味， 甜甜地，面头有好多芝麻粒同蜜糖，而且炸得香香的，单骨好多肉又容易handle，完全系开胃小食～
「 失传酱脆皮生炒骨」老板娘透露话点解甘好食，秘诀系除左用上浸泡多日嘅苹果醋腌味，加埋新鲜猪排骨即炸用料新鲜之外，仲因为师傅好手势够镬气，酸甜度适中，仲有拔丝效果，外皮香脆内里鲜嫩多汁，做到呢个效果唔易架！
「喜聚坊小炒皇」系次次必点既，因为材料极之丰富，其他地方好少食到，有腰果﹑三色椒﹑韮菜花﹑鱿鱼﹑珊瑚蚌﹑虾球﹑虾干﹑白饭鱼同菜脯等，味道咸香，用黎送酒好适合~
最后仲有甜品「 腐竹薏米糕」，有腐竹味，微甜，滑溜溜，满足～
张贴
