影片
更多
2022-05-15
650 浏览
呢几日听新闻报道，西环「星月楼」有群组感染，觉得个名咁熟悉，先醒起呢间，又系早排爆发疫情丶同样叫「月楼」嘅九龙塘「望月楼」。抱着猎奇嘅心态，今日去呢间试吓。其实位处「又一城」呢啲高档次丶大型商场嘅食肆，卫生唔会差得去边，所以，只可以讲呢只病毒嘅嘅传播力真系好得人惊。餐厅嘅装修，灯饰都采用咗较深色现代中式嘅格调，走少少Fine Dining路线，主打川丶粤菜系。茶壶用上仿古铜式，比较容易烫到手。再睇睇𠮶张点心纸，一入眼有个「麻辣小笼包」，记得之前喺「新世纪广场」嘅「念川居」见过，望埋落去原来张点心纸同「念川居」嘅系一模一样，应该系同一个集团。咁嘅情况下，点返一丶两款之前喺「念川居」食过好味嘅点心比较一下。雪山叉烧包😋😋😋😋😋：新鲜热辣，墨西哥酥皮重带少少脆口，叉烧馅料唔肥，塞满整个包，虽然唔大，不过绝唔会有，喺外边食叉烧「空气」餐包嘅感觉。鲍鱼煎糯米鸡😋😋😋😋：糯米鸡煎得香脆又唔油腻，鲍鱼就梗系罐头𠮶只，只系噱头，令成件事Grand啲啫。京式叉烧包😋😋：见餐牌上有叉烧包同呢个「京式」，不过就有啲失望，因为贵咗$10喺包个头「开口」同唔「开口」嘅分别，其他无论馅料丶面粉嘅口感味道，完全一模
餐厅嘅装修，灯饰都采用咗较深色现代中式嘅格调，走少少Fine Dining路线，主打川丶粤菜系。茶壶用上仿古铜式，比较容易烫到手。再睇睇𠮶张点心纸，一入眼有个「麻辣小笼包」，记得之前喺「新世纪广场」嘅「念川居」见过，望埋落去原来张点心纸同「念川居」嘅系一模一样，应该系同一个集团。咁嘅情况下，点返一丶两款之前喺「念川居」食过好味嘅点心比较一下。
雪山叉烧包😋😋😋😋😋：新鲜热辣，墨西哥酥皮重带少少脆口，叉烧馅料唔肥，塞满整个包，虽然唔大，不过绝唔会有，喺外边食叉烧「空气」餐包嘅感觉。
鲍鱼煎糯米鸡😋😋😋😋：糯米鸡煎得香脆又唔油腻，鲍鱼就梗系罐头𠮶只，只系噱头，令成件事Grand啲啫。
京式叉烧包😋😋：见餐牌上有叉烧包同呢个「京式」，不过就有啲失望，因为贵咗$10喺包个头「开口」同唔「开口」嘅分别，其他无论馅料丶面粉嘅口感味道，完全一模一样。
虎皮尖椒😋😋😋😋😋：大大只嘅青椒煎到起皱纹，再加豆豉丶蒜蓉回镬爆香，神来之笔系落埋醋，中和左油腻感，开胃之选。
鲜虾肠粉😋😋😋：肠粉分段切开，每一段都包住一只虾，不过不失。
今次就冇点上次喺「念川居」嘅辣嘢，原来佢哋嘅粤菜点心都有一定水准，可以再嚟。
张贴