點心瑪莉 (已結業)

中午唔知谂唔到食咩，见到间咁得意嘅铺头，就入去谂下啦，平日唔多人，等左一阵就有位啦。地方细，唔系好多枱，装修几好，环境唔错，服务又唔系好差，价钱就小小贵，味道一般。间野系唔提供水，茶另系要俾钱，可以唔要。我先食左个燕窝蛋挞，细细个，唔热，普通蛋挞上面加左d燕窝碎，蛋挞唔太甜亦无咩味，唔特别。我试左个冬菇包，其实味道怪怪，表面系朱古力粉味，入面系冬菇粒，仲要好小冬菇，味道唔夹，怪。鲍鱼仔烧卖，猪肉烧卖味道可以酒楼味道，但唔够热，鲍鱼片都叫有蚝油味，加埋都唔特别，普普通通。杯苹果芦荟特饮就几好味，好香苹果味不过偏甜，味道唔差。最后食左个肠粉，味道估唔到又几好食，够热，鱼好香，香味入晒肠粉，加埋豉油一齐食好正。整体一般，所以食过一次我就唔会再食啰。