金龍冰室 (已結業)

有餐厅关门就会有餐厅开门，呢几年周街都系新开嘅冰室，仲要系听都未听过嘅，话说好耐无经过大围道，原来又有一间新餐厅了，仲要系冰室，呢间叫金龙冰室，佢写系分店，但系唔知边间系总店同响边？身为穷L，当然系下午茶先去食，都有好多款下午茶餐，我点嘅下午茶餐($34)系可以点A至H嘅其中一款食物再配1至15嘅小食，送热饮(冻饮加$3)，点了B麻酱冻乌冬及14餐肉三文治(半份)及冻柠茶。都唔算等咗好耐就有得食，麻酱冻乌冬卖相一般，乌冬应该是最普通的一款，好彩不会过淋，麻酱算捞得够均匀，味道就普普通通；餐肉三文治虽得半份，餐肉够热且煎得够香，面包够厚身，都算软。冻柠茶，较早前从网上得知「甜饮全球每年杀18万人，冻柠茶是凶手之一」成日害人不浅嘅凶手冻「柠茶」，我当然唔怕死，呢杯饮料用不锈钢杯，所以够冻且够茶味，合格。